Toshkentda kvartirani ta'mirlash qanchaga tushadi?
![Toshkentda kvartirani ta'mirlash qanchaga tushadi?](https://marketplace.uysot.uz/public/upload/image/tmB5VNwWLSiZ4m7Nw1RP.png)
Toshkentda xonadonni ta'mirlash qancha turadi?
Narxlar va pulni tejash bo'yicha batafsil qo'llanma
Siz zamonaviy va shinam uyni orzu qilasiz, lekin ta'mirlash hisob-kitoblaridagi raqamlar sizda xavotir uyg’otmoqdami?
Ko’p o’ylamang! Xavotirga o’rin yo’q, ahir siz yolg'iz emassiz!
Toshkent shahrida joylashgan ko’p qavatli uydagi xonadonni ta’mirlash - mas’uliyatli va xarajatli ish. Ammo masalaga to'g'ri yondashuv va narxlardan xabardor bo’lish - oilaviy byudjetingizga zarar etkazmasdan o'z orzularingizni amalga oshirish imkonini beradi. Keling, avval, ta'mirlash xarajatlari qanchaga tushishini aniqlaylik.
Ta'mirlash narxini qanday omillar belgilaydi?
Xonadonni ta'mirlash narxi ko'plab omillarga bog'liq, masalan:
• Xonadon maydoni: ta’mirlanishi lozim bo’lgan maydon qanchalik katta bo'lsa, ishlatiladigan qurilish materiallari va amalga oshirilishi kerak bo’lgan ishlar hajmi ortadi. Bu esa, o’z navbatida, narxga ta’sir ko’rsatadi.
• Ta'mirlash turi: “standart” ta'mirlash kapital yoki “Yevropa uslubidagi” ta'mirlashga nisbatan kamroq xarajat talab etadi.
• Materiallar sifati: premium brendlarni tanlash loyiha narxini sezilarli darajada oshiradi.
• Ishning murakkabligi: qayta ishlab chiqish, murakkab tizimlarni o'rnatish, noan’anaviy materiallar bilan ishlash – ta’mirlash narxiga ta'sir etadi.
• Mutaxassis xizmatlari: tajribali dizaynerlar va quruvchilar xizmatidan foydalanish ta’mir narxini oshishiga sabab bo’ladi, lekin o’z navbatida ta’mirlash sifatining yuqori bo’lishini kafolatlaydi.
Ta'mirlash turlari bo'yicha o'rtacha narxlar:
“Standart ta’mirlash”: kvadrat metr uchun 800 000 – 1 200 000 so‘m.
(Bo'yash, gulqog'ozlar yopishtirish, quvurlar, pol va ichki eshiklarni yangilashni o'z ichiga oladi).
Kapital ta’mirlash: kvadrat metr uchun 1 200 000 – 2 000 000 so‘m.
(Barcha quvurlar va elektr simlarini almashtirish, devor, shift va pol qoplamalarini tekislash, gipsokartonni o'rnatishni o'z ichiga oladi).
“Yevropa uslubidagi” ta'mirlash: narxlar kvadrat metr uchun 2 500 000 so'mdan boshlanadi.
(Yuqori sifatli qurilish materiallardan foydalanish, dizayn loyihasi, aqlli uy tizimlarini o'rnatish, murakkab yoritish tizimlari va boshqalarni o'z ichiga oladi).
Qo'shimcha xarajatlar:
1. Dizayn loyihasi: kvadrat metr uchun 30 000 – 200 000 so‘m.
Loyiha vizualizatsiyasi va aniq hisob-kitoblarni taqdim etish orqali vaqt va pulni tejaydi.
2. Mualliflik nazorati va texnik nazorat: Ushbu xizmatlarning narxi oyiga 1 000 000 so'mdan boshlanadi. Ish sifatini nazorat qilish va loyihaga rioya qilinishi kafolatlanadi.
3. Mebel jihozlari va texnika: narxlar tanlangan mebel jihozlari va texnika brendi va sifatiga qarab farqlanadi.
Ta'mirlash jarayonida qanday qilib pulni tejash mumkin?
• Batafsil reja va smeta tuzing: Ehtiyotkorlik bilan rejalashtirish keraksiz xarajatlardan qochishingizga yordam beradi.
• Bir nechta kompaniyalar taklif etadigan narxlarni solishtiring: Hisob-kitob hujjatlarini tortinmasdan so’rang va savdolashing.
• Sifatli, ammo arzon qurilish materiallaridan foydalaning: Mahalliy brendlar va muqobil materiallar qimmat brendlarning o’rnini bosishi mumkin.
• Ba'zi ishlarni o'zingiz bajaring: Agar sizda ko'nikmalar mavjud bo'lsa, ishchilar xizmatlaridan tejashingiz mumkin.
• Oldindan rejalashtirish: Qanchalik erta rejalashtirishni boshlasangiz, ajoyib takliflarni topish uchun shuncha ko'p vaqt paydo bo'ladi.
Quyida siz ba'zi ta'mirlash xizmalarning narxi bilan tanishib chiqishingiz mumkin.
Elektromontaj ishlari:
• rozetka o‘rnatish – 35 000 so‘mdan;
• o‘rnatish – 40 000 so‘mdan;
• ta'mirlash – 35 000 so'mdan;
• elektr simlarni yangilash - 55 000 so'mdan;
• chiroq o‘rnatish – 60 000 so‘mdan;
• maishiy texnikalarni o‘rnatish – 95 000 so‘mdan;
• elektr ta’minotidagi nosozliklarni bartaraf etish – 130 000 so‘mdan;
• elektr panel bilan ishlash – 155 000 so'mdan.
100 kvadrat metr maydonga ega yangi turarjoy majmuasidagi 3 xonali xonadon misolida hisoblash tartibi:
• dizayn loyihasi – kvadrat metr uchun $12 dan;
• gipsokarton devor va shift montaji – 2 200 dollar;
• elektromontyor xizmatlari – 1 700 dollar;
• santexnik xizmatlari – 1 000 dollar;
• rangtasvir ishlari – 2 800 dollar;
• shift qismini pardozlash – 120 m uchun 400 dollar;
• plitka yotqizish (oshxona + hammom) – 1 300 dollar;
• laminat/parket yotqizish - 200 dollar;
• ichki eshiklarni o'rnatish (50 dollardan 6 ta eshik) - 300 dollar.
Jami: ≈ $10 000
Xulosa:
Toshkent shahrida joylashgan ko’p qavatli uydagi xonadonni ta’mirlash qimmatga tushishi mumkin, ammo masalaga to'g'ri yondashuv va narxlardan xabardor bo’lish - oilaviy byudjetingizga zarar etkazmasdan o'z orzularingizni amalga oshirish imkonini beradi. Bizning maslahatlarimizdan foydalangan holda oldindan rejalashtiring, narxlarni taqqoslang, to'g'ri qurilish materiallarini tanlang va shinam hamda barcha qulayliklarga ega uy haqidagi orzuingizni amalga oshiring!
Ushbu maqolani ta'mirlashni rejalashtirayotgan do'stlaringiz va tanishlaringizga yuborishni unutmang!