Xonadon xarid qilishda aslo bunday xatolarga yo'l qo'ymang!

Uy sotib olishdagi 10 xato: qanday qilib aldov qurboni bo'lmaslik kerak? Ko’chmas mulk ob’ektini xarid qilish hayajonli va muhim qadam hisoblanadi. Ayniqsa, yangi qurilayotgan turarjoy majmuasidagi xonadon haqida gap ketganda.Ushbu maqolada biz xonadon sotib olish jarayonidagi jiddiy muammolarga olib kelishi mumkin bo'lgan, ortiqcha pul, vaqt va asablaringizni sarflashga sabab bo’ladigan 10 ta xatoni ko'rib chiqamiz. 1. ShoshqaloqlikHissiyotlarga berilmang va tanlov qilishda shoshilmang!Ko’chmas mulk bozorini sinchkovlik bilan o'rganing, takliflarni taqqoslang, ijobiy va salbiy tomonlarini baholang. Loyihaning ishonchliligi, joylashuvi, qurilish sifati, narxi, infratuzilmasi va boshqa ko'plab parametrlari bilan tanishib chiqish foydadan holi bo’lmaydi. 2. E'tiborsizlikTurarjoy majmuasiga mas’ul qurilish kompaniyasi faoliyatiga nazar soling!Ba’zi hollarda narx indeksiga e’tibor qaratib, turarjoy majmuasiga mas’ul bo’lgan qurilish kompaniyasi diqqatimiz markazidan chetda qoladi. Natijada esa orzuimizdagi xonadonning kalitini qo’limizga olguncha ko’plab muammolarga duch kelamiz.Qurilish kompaniyasining imidji - tajriba va ishonchlilik kafolati. Shu sababli, TJMni kim qurayotgani, ushbu qurilish kompaniyasi qaysi ob’ektlarni qurib bitkazgani va mijozlarning fikr-mulohazalariga e'tibor qarating. 3. “Narxi arzon bo’lgani yaxshi” qabilida ish tutish (Tejamkorlik)Arzon narxning ketidan quvmang!Shubhasiz, xonadon sotib olishda narx asosiy omil hisoblanadi. Lekin siz faqat narxga e'tibor qaratsangiz - ortiqcha mablag’ to'lashingizga to’gri keladi.Cheklangan byudjetga ega bo'lsangiz ham, tanlangan uy-joyning xususiyatlarini diqqat bilan o'rganing. Sababi, qo’shimcha narx evaziga TJM qurilish kompaniyasi tomonidan siz va yaqinlaringiz uchun qo’shimcha qulayliklar taqdim etiladi. 4. Infratuzilmaga e'tiborsizlikXonadon sotib olishdan oldin TJM joylashgan hududning infratuzilmasini o'rganish muhimdir!Hududning obodonlashtirilganligi va transport qulayligi TJMning tashqi infratuzilmasi uchun asosiy mezon sanaladi. Bolalar bog'chasi va maktabning mavjudligi, yaqin atrofda tibbiyot muassasalari, bog'lar, bolalar o'yin maydonchalari va sport maydonchalari, shuningdek oilaviy dam olish maskanlari joylashgnligi rivojlangan infratuzilmaga ega yangi binolarning asosiy ko'rsatkichlari hisoblanadi. 5. Yetarli darajada ma’lumotga ega bo’lmaslikGarchi, ko'p vaqtingiz ketsa ham TJMni o’rganishga harakat qiling!Sotib olish istagida bo’lgan turarjoy majmuangiz haqida ma'lumot to'plash - xarid jarayonining asosiy bosqichi bo’lib, o’z ichiga ko’chmas mulk bozori, sotib olish shartlari va tartibi, ipoteka turlari hamda quruvchi kompaniya haqidagi ma’lumotlarni qamrab oladi. Agar siz mazkur bandlardan birontasini o'tkazib yuborsangiz, xonadon xarididan so’ng quvonchli onlar o’rniga noqulay vaziyatlar va ortiqcha sarf-xarajatga duch kelishingiz mumkin. 6. Qurilish sifatini nazorat qilmaslikBir qarashda qurilish maydonchasida ko’rishingiz uchun hech narsa yo'qdek tuyuladi. Aslida esa, aynan shu yerga tashrif buyurganingizda TJM joylashuvining qulayligi, infratuzilmasi, qurilish jarayonlari, yo'llar va ichki yo'laklarning holatini baholash imkoniyati paydo bo’ladi.Qurilish jarayolarini kuzatib boring, ishlatiladigan materiallar va qurilish texnologiyalari bilan tanishing. Ishoning, mazkur tajriba yangi binoni tanlashda foydali bo'ladi. 7. Mijozlar fikrlari va sharhlariga e’tiborsizlikVaqt topib xaridorlarning sharhlari bilan tanishib chiqing!Yangi turarjoy majmuasi qog'ozda ideal holatda bo'lishi mumkin, ammo boshqa xaridorlar, potensial mijozlar bu haqda qanday fikrda? Ularning munosabatini bilish uchun eng yaxshi vosita - fikr-mulohazalar, ijtimoiy tarmoqlarda bildirilgan sharhlar hisoblanadi.Aynan sharhlar yordamida siz ko'zga ko'rinmas kamchiliklar, TJMda istiqomat qiladigan aholining munosabati, bino infratuzilmasida mavjud kamchiliklar va ko'chib o'tgandan keyin paydo bo'lishi mumkin bo'lgan boshqa kutilmagan hodisalar haqida bilib olishingiz mumkin. 8. Loyihalanishga ahamiyat bermaslikXarid jarayonida TJM jolashuvi va xonalar loyihalanishiga alohida e’tibor qarating!Xonadon tanlashda nafaqat hududni, balki xonadon joylashgan qavatning ijobiy va salbiy tomonlarini ham hisobga oling: shovqin holati, lift joylashuvi, derazadagi manzarali ko'rinish. Xonalarning planirovkasi va parametrlarining to’g’ri tanlovi esa kelajakda mebelni qanday tartibda joylashtirishingiz va umumiy maydonning mantiqsiz taqsimlashini oldini olishda yordam beradi. 9. Shartnomani e'tiborsiz o'rganishRivojlangan infratuzilma, qulay narx va joylashuvga ega xonadon variantini topganizdan so’ng shartnoma imzolashga shoshilmang! Avval shartnomani o'rganing va har bir bandini o'qib chiqing.Tomonlarning majburiyatlarini belgilab beradigan Oldi-sotdi shartnomasi – turar joy sotib olinishiga doir bitimlarni tasdiqlovchi eng keng tarqalgan hujjat bo’lib, alohida e'tibor va sinchkovlik bilan o'rganishni talab etadi. Agar shartnomaning biron bir bandi shubha tug'dirsa, yordam uchun advokat bilan bog'laning. 10. Hissiyotlarga tayanib qaror qabul qilishUy-joy xarid qilish - muhim moliyaviy qarordir. Shu sababli hissiyotlar va kayfiyatga qarab emas, puxta o’ylangan rejaga asosan qabul qilinishi manfaatli va foydali hisoblanadi.Keyinchalik tanlovdan afsuslanmasligingiz uchun bitim tuzishdan oldin, sotib olish bilan bog'liq barcha hujjatlar bilan tanishib chiqing, xaridning ijobiy va salbiy tomonlarini o’rganing. Uzoq yillar davomidagi shinam uy haqidagi orzuingiz ko’zga ko’rinmas xatolar sabab, ko’ngilsiz voqealiklarga emas quvonchli onlarga ulashib ketishini istasangiz maslahatlarga amal qiling. Esingizda bo'lsin: bilim - bu kuch. Ko'chmas mulk bozori haqida qanchalik ko'p ma’lumotga ega bo’lsangiz, xato qilish ehtimoli shunchalik kam bo'ladi.