Yangi qurilayotgan uylar bozoridagi atamalar: to’liq qo’llanma-2025 (novostroyka, planirovka, kotlovan, karobka…)

 

Yangi qurilayotgan uylar bozori o‘ziga xos termin va atamalarga boy bo‘lib, ularni to‘g‘ri tushunish xaridorlar va investorlar uchun muhim ahamiyatga ega. Ayniqsa, koʻp atamalar ruscha holida aytiladi. Xoʻsh, nega bunaqa, deysizmi?

Chunki sobiq Ittifoq davrida qurilish normalari ishlab chiqilayotganda 7 jilddan iborat qurilishga oid texnik lug‘at yaratilgan. Qolaversa, bugun qurilish ichida yurgan quruvchi yoki shunga aloqador shaxslar uchun qurilish atamalari tushunarli va o‘sha ruscha atamani osonroq tushunishadi.

Shuni inobatga olgan holda, quyida ushbu sohada keng qo‘llaniladigan asosiy terminlar va ularning izohlari bilan tanishamiz.

 

1. Asosiy atamalar:

Novostroyka - yangi qurilgan uy yoki ko‘p qavatli bino.

Zastroyshik - quruvchi kompaniya yoki loyiha amalga oshiruvchi tashkilot.

Developer - qurilish loyihalarini boshqaruvchi va rivojlantiruvchi kompaniya.

JK (Jiloy kompleks) - yashash uchun mo‘ljallangan turar joy majmuasi.

Chernovaya otdelka - tugallangan, lekin yakuniy ta’mirlash ishlari qilinmagan kvartira.

Pod klyuch - to‘liq tayyor, ko‘chib kirishga tayyor kvartira.

Remont pod klyuch - to‘liq ta’mirlangan va ko‘chib kirishga tayyor holat.

Dolevoye uchastiye - qurilayotgan loyihaga sarmoya kiritish orqali kvartira sotib olish tizimi.

Arenda s pravom vikupa - ijaraga olish va keyinchalik sotib olish imkoniyati.

Kotlovan - poydevor yotqizish uchun qazilgan chuqur.

2. Moliyaviy atamalar:

Ipoteka - ko‘chmas mulk sotib olish uchun bank krediti.

Pervonachalniy vznos - ipoteka bo‘yicha dastlabki to‘lov.

Protsentnaya stavka - kredit foizi.

Rassrochka - qarzni bosqichma-bosqich to‘lash tizimi.

Aksiya - quruvchi tomonidan taqdim etiladigan maxsus chegirmalar yoki takliflar.

Lgotnaya ipoteka - maxsus shartlar asosida beriladigan ipoteka.

3. Arxitektura va rejalashtirish:

Planirovka - kvartiraning ichki tartibi va xonalarning joylashuvi.

Yevro-planirovka - Yevropa standartlariga mos keladigan zamonaviy rejalashtirish.

Monolitniy dom - beton va monolit texnologiyalar asosida qurilgan bino.

Kirpichniy dom - g‘ishtdan qurilgan bino.

Panelniy dom - tayyor beton plitalardan qurilgan bino.

Parking - yashash majmuasi uchun yerosti yoki yer usti avtoturargohi.

Lift shaxta - liftlar uchun maxsus qavatlararo joy.

4. Qurilish materiallari:

Gazoblok - yengil beton bloklari.

Keramogranit - chidamli keramik plitkalar.

Fasad - binoning tashqi qismi yoki dizayni.

Teploizolyatsiya - issiqlikni saqlovchi materiallar.

Gipsokarton - qurilishda devor va shiftlarni qoplash uchun ishlatiladigan material.

5. Huquqiy atamalar:

Dogovor dolevogo uchastiya (DDU) - qurilayotgan binodan kvartira sotib olish shartnomasi.

Pravo sobstvennosti - kvartiraga egalik qilish huquqi.

Kadastroviy nomer - ko‘chmas mulkning rasmiy raqami.

Texnicheskiy pasport - kvartira yoki binoning rasmiy hujjati.

Akt priyemki-peredachi - kvartirani xaridorga topshirish jarayonidagi hujjat.

6. Zamonaviy atamalar:

Smart-kvartira - zamonaviy texnologiyalar bilan jihozlangan kvartira.

Eko-dom - ekologik jihatdan toza va energiyani tejovchi materiallardan qurilgan bino.

Kovorking - yashash majmuasidagi umumiy ish joylari.

Premium-klass - yuqori sifat va dizayn talablariga javob beradigan ko‘chmas mulk.

Komfort-klass - o‘rtacha darajadagi yashash majmuasi.

Ekonom-klass - arzonroq narxlardagi kvartiralar.

Ushbu atamalarni bilish yangi qurilayotgan uylar bozorini yaxshi tushunishga yordam beradi. Har bir atamaning mazmunini tushunish orqali siz o‘zingizga mos keladigan uy yoki kvartirani tanlashda aniqroq va ishonchliroq maʼlumotlarga ega bo‘lasiz.