OLMOS RIVER

Qurilish kompaniyasining hujjatlarini tekshiring, mijozlarning sharhlarini o'qing, rasmiy ro'yxatdan o'tganini tasdiqlang va qurilish joyiga tashrif buyuring.

Hokim qarori/kadastr, Qurilishga ruxsatnomasi, Shaxarsozlik xulosasi ya’ni “СОВЕТ” dan o’tganligi, Ekspertiza xulosasi, (DAQN) DAVLAT ARXITEKTURA-QURILISH NAZORATI bilan kelishuv hujjatlari bo’lsa demak bu quruvchi qonuniy ishlamoqda

“СНОС” bu uy qurilishidan oldin amalga oshiriladigan jarayon. Bu jarayonga uy quriladigan hududdagi tozalash, tekislash, mavjud xonadon yoki хususiy mulklarni qonuniy buzish va hududni qurilishga tayyorlash bosqichlari kiradi. Shunaqa qurilish kompaniyalari borki, uy sotuvini hattoki "снос" ishlari tugamasdan turib boshlab yuborishadi. Ishonuvchan xaridorlar esa hech shubha qilmay, hali fundamenti yo'q xonadon uchun to'lov ham qilib qo'yishadi. Ammo bu mutlaqo noto'g'ri. Chunki "снос" tugamagunicha uy qurilishi uchun hujjatlar to'liq tasdiqlanmagan bo'ladi.

"Pod katlavan" deyilganda hali qurilishi davom etayotgan va hali qurilishi tugallanmagan xonadonlar yoki uylarni nazarda tutadi . Bu mulklar odatda qurib bitkazilgan kvartiralar yoki uylardan pastroq narxda sotiladi, lekin ular darhol yashashga tayyor bo'lmasligi mumkin.

Karkas uylar - yog'och yoki metall profillardan yasalgan ramka (skelet) yordamida qurilgan uylar Ramka metall profillardan yasalgan skelet bunday uylar an'anaviy g'isht uylariga qaraganda ancha tezroq qurilishi mumkin, arzon, zilzilalar va boshqa tabiiy ofatlarga chidamli. Karkaz uylar uchun tajribali va ishonchli pudratchi yuqori sifatli materiallar ishlatgan bo'lishi o’ta muhim.

Ba’zi qurilish kompaniyalari uy xarid qilayotganda mijozlariga shartnomani rus tilida taqdim etishadi. Mijozlar esa rus tilini bilmasa ham andisha qilib, imzolab ketaverishadi. Ammo bu noto’g’ri. Agarda rus tilidagi shartnoma sizga muammo tug’dirsa, qurilish kompaniyasidan o’zbek tilidagi shartnoma so’rang, shunda shartnomani tushunish sizga qiyin bo’lmaydi. Unutmang, siz shunchaki buyum emas, kvartira sotib olyapsiz – ya’ni, katta xaridlardan birini amalga oshiryapsiz! O’zbek tilida yo’q bo’lsa siz bu shartnomanini bemalol olib ketib, tarjima qildirib undan so’ngra imzolashingiz mumkin.