Yangi Toshkent qanday loyiha? Qiziqarli faktlar ...

1 million aholi yashaydigan 50 yil oldinga mo'ljallangan Yangi Toshkent shahri loyihasi uchun 19.7 ming gektar yer maydoni ajratilgan.Toshkent viloyati hududining Yuqori Chirchiq tumanidan 17.3 ming gektar, O’rta Chirchiq tumanidan 2.4 ming gektar yerlar Toshkent shahri tarkibiga o’tkaziladi.

Yangi Toshkent qurilishi bir necha bosqichda amalga oshiriladi. 

1-bosqichda quriladigan obyektlar aniq belgilangan bo’lib 2 420 gektar yerda 100 000 kishilik 100 ta masssiv qurib bitkaziladi va shahar aholisi joylashadi. Jumladan Yangi O‘zbekiston universiteti, Milliy kutubxona, Nizomiy universiteti va 60 000 kishilik turar-joy majmualari, 30 dan ortiq maktablar, 20 dan ortiq bog’chalar, 5 ta oilaviy kasalxonalar va boshqa ijtimoiy ob'ektlar, transport tizimi, metro liniyalari, yashil yo'llar va ko'priklar, yashil maydonlar va bir qator ijtimoiy obyektlar quriladi. Poytaxtdagi vazirlik va idoralar, respublika darajasidagi ijro organlari ko‘chiriladi, ularning hozirgi binolari sotilib, tushgan mablag‘lar Yangi Toshkentda ma’muriy binolar qurishga sarflanadi. Infratuzilma obyektlarining texnik xizmat ko'rsatilishi va ta'mirlanishi amalga oshiriladi. Shahar iqtisodiyotining rivojlanishi va aholining turmush darajasini yaxshilash bo'yicha to’liq ishlar olib boriladi. Shu o’rinda 200 000 ish o’rni yaratiladi.

“Yashil belbog’li” eko shaharchada ikki daryo o’rtasida joylashgan 420 gektarli “Markaziy bog’” shaharning eng yirik va eng mashhur parklaridan biridir. Parkda bir nechta katta ko'l, ko’plab favvoralar issiq kunlarda salqinlik beradi va go'zal manzarani yaratadi. Parkda bolalar uchun turli xil o'yin maydonchalari, kafe va restoranlar, teatrlar va konsert zallari, shuningdek, dam olish va sayr qilish uchun ko'plab yo'llar barpo etiladi. 

15 daqiqalik shahar tamoyiliga ko’ra aholiga xizmat ko’rsatuvchi ijtimoiy soha obyektlarini 15 daqiqa yurish masofasida joylashtiriladi yani shaharning qaysi tomonidan kelinsa ham 15 daqiqa ichida shahar markazida bo’ladi.

2045 yilgacha Chirchiq va Qorasuv daryolari oralig‘idagi 20 ming gektar maydonda ko’p qavatli uylar, ko‘plab kanallar, obodon qirg‘oqlar, yashil hududlar va jamoat joylariga ega megapolis joylashadi. Binolarni qurishda tarix va zamonaviylikni uyg'unlashtirgan binolar o'zgacha dizayn va ilg'or texnologiyalarga ega bo'ladi.

Balandligi 509 metrli dunyoda 10-o'rinda turuvchi Markaziy Osiyo va O'zbekistondagi eng baland bino Toshkent Tower majmuasi shaharning ajoyib ko'rinishini taqdim etadigan kuzatuv maydonchasiga aylanadi.

Markaziy Park Tower 475 metr balandlikdagi bino - O'zbekistondagi ikkinchi eng baland bino va dunyoda 15-o'rinda turadi.

Toshkent International Finance Center ham 450 metr balandligida bo'lib, dunyoda 20-o'rinda O'zbekistondagi uchinchi o’rinda.

Yana bir inshoat Tashkent Plaza 425 metr balandligi, dunyoda 25-o'rinda, O'zbekistondagi to'rtinchi eng baland bino qurilishi rejalashtirilgan.

Yangi Toshkentda zamonaviy va qulay harakatlanish uchun metro tizimi shaharning markaziy qismini va asosiy tumanlarni o'z ichiga oladi. Metro bekatlari bir-biridan 500 metrdan 1 kilometrgacha masofada joylashgan bo'ladi. Ikkita metro liniya yangi shahar bilan bog‘lanadi. “Buyuk ipak yo‘li” va “Do‘stlik” metro bekatlaridan 30-35 daqiqada yangi shaharga yetib kelish imkoniyati yaratiladi. Bu aholi uchun juda katta qulaylik bo‘ladi, avtomobilda kelishga ehtiyoj qolmaydi. Shuningdek yerusti transportlari tramvay va avtobuslar, elektrobuslar shaharning turli qismlarini hamda ikki Toshkentni o'zaro bog'laydi va ekologiya uchun mutlaqo zararsiz bo’ladi. Shahar markazi o'rtasida tezkor temir yo'l liniyasi quriladi. Bu liniya yo'lovchilarni aeroportga atigi 15 daqiqada eltib qo'yadi. Kelajakda shaharning boshqa qismlariga ham yengil temir yo'l liniyalari qurilishi rejalashtirilgan. Shahar bo'ylab keng tarmoqli velosiped yo'llari quriladi. Velosipedchilar uchun qulay va xavfsiz sharoitlar, yashil yo’laklar yaratiladi. Velosiped ijaraga olish xizmatlari rivojlantiriladi. Yangi Toshkentda avtomobillar uchun zamonaviy va qulay hamda, avtomobillar parkovkasi uchun ko'p qavatli avtoturargohlar quriladi. Jamoat transportida yo'lovchilar elektron to'lov kartalari orqali to'lov amalga oshirishi mumkin bo'ladi. Tizim to'lov jarayonini soddalashtiradi va tezlashtiradi. Kelajakda shahar transport tizimi yanada zamonaviy, qulay va ekologik jihatdan toza bo'ladi. Shahar bo'ylab tez va oson harakatlanish imkoniyati yaratilishi kutilmoqda.

Poytaxt ehtiyojini ta’minlash uchun quvvati 2 ming 400 megavattli 4 ta yirik quyosh stansiyalari barpo etiladi. Birinchisi - Qibrayda 400 megavattli foto-elektr stansiyasini qurish boshlandi. Yuqorichirchiqda 700 megavattli, Ohangaron tumanida 1 ming megavattli hamda Bo‘kada 300 megavattli stansiya loyihalariga start beriladi.

Bu loyihalarga 2 milliard dollardan ziyod to‘g‘ridan to‘g‘ri investitsiyalar kiritilgan. Bu stansiyalar to‘liq quvvat bilan ishlay boshlagandan keyin yiliga 6 milliard kilovatt-soat kafolatlangan elektr ishlab chiqaradi. Stansiyalarning elektr energiyasi qo‘shimcha 2 million aholi va 30 ming korxona talabini ta’minlashga yetarli bo‘ladi.