2025-yilda “Novostroyka”larga bormasdan ularni masofadan koʻrish va baholash yanada ommalashadi!

Bugun zamonaviy raqamli texnologiyalar uy-joy, “novostroyka”lar bozorini butunlay o‘zgartirayapti. O‘zbekistonda ham so‘nggi yillarda bu sohada sezilarli o‘zgarishlar kuzatilyapti. Endi kvartira yoki uy izlash, “novostroyka” sotib olish, hatto ijara bo‘yicha shartnoma tuzish ham raqamlashtirilyapti. Ushbu maqolada biz ko‘chmas mulk sohasida raqamli texnologiyalarning qanday rol o‘ynayotgani va asosiy tendensiyalarni tahlil qilamiz.

1. Raqamli platformalarning o‘sishi.

Bugungi kunda ko‘chmas mulk bozorida onlayn platformalar muhim o‘rin egallayapti. Raqamli platformalar (saytlar, mobil ilovalar) yordamida ko'chmas mulk obyektlari haqida batafsil ma'lumot olish mumkin: joylashuvi, maydoni, narxi, fotosuratlari, video-turlari va boshqalar. Bu xaridorlarga o'z ehtiyojlariga mos keladigan variantlarni tez va oson topishga yordam beradi.

Masalan, uysot.uz platformasiga har kuni koʻplab yangi e’lonlar joylashtiriladi va foydalanuvchilarning aksariyati uysot.uz mobil ilovasi orqali uy qidiradi.

2. Virtual turlar va 3D texnologiyalar.

Ko‘chmas mulk sotib olishda qaror qabul qilish jarayoni oldingiga qaraganda ancha tezlashdi. Virtual turlar (VR va 3D turlar) orqali endi uy sotib oluvchilar uyni shaxsan ko‘rmasdan turib, internet orqali har bir xonasini ko‘zdan kechirish imkoniyatiga ega. Bu, ayniqsa, boshqa shahardan yoki chet eldan uy sotib olishni rejalashtirayotganlar uchun qulay yechim.

Masalan, Toshkentdagi ba’zi yirik qurilish kompaniyalari (“Murad Buildings”) o‘z obyektlariga virtual turlarni tashkil etgan va mijozlar bu xizmatdan keng foydalanyapti.

Bu vaqt va ortiqcha xarajatlarni tejashga, shuningdek, turli hududlardagi variantlarni ko'rish imkoniyatini beradi.

3. Onlayn toʻlov tizimlari.

Uy sotib olish yoki ijaraga olish jarayonida onlayn to‘lov tizimlari va ipoteka kalkulyatorlari katta yengillik tug‘diryapti. Masalan, “Humo”, “Click”, “Payme” kabi to‘lov tizimlari orqali oldindan to‘lovni amalga oshirish mumkin. Bundan tashqari, deyarli barcha tirojat banklarning rasmiy saytlarida ipoteka kreditlarini hisoblab beruvchi onlayn kalkulyatorlar mavjud, u orqali “novostroyka” sotib oluvchilar o‘z imkoniyatlarini oldindan baholay oladilar.

4. Qurilish kompaniyalarining mobil ilovalari va interaktiv xizmatlar.

Bugungi kunda yirik qurilish kompaniyalari va ko‘chmas mulk agentliklari mobil ilovalar orqali xizmat ko‘rsatishni yo‘lga qo‘ymoqda. Masalan, ba’zi kompaniyalar o‘z ilovalari orqali kvartiralarning mavjudligini tekshirish, narxlarni solishtirish va kredit kalkulyatorlaridan foydalanish imkoniyatini yaratgan.

5. Sun’iy intellekt va ma’lumotlarni tahlil qilish.

Raqamli texnologiyalar rivojlanishi natijasida sun’iy intellekt (AI) va ma’lumotlarni katta hajmda tahlil qilish xizmatlari ham ahamiyat kasb etyapti. Ushbu texnologiyalar orqali narx dinamikasini tahlil qilish, investitsiyalar uchun qulay hududlarni aniqlash va bozordagi talabni prognoz qilish mumkin.

Ba’zi xorijiy davlatlarda bo‘lgani kabi, O‘zbekistonda ham Big Data va sun’iy intellekt asosida narx prognozi qilish texnologiyalari rivojlanib boryapti.

6. Onlayn hujjatlashtirish va to‘lov tizimlari.

Ko‘chmas mulk bozorida elektron hujjatlar va onlayn to‘lov tizimlari tobora keng tarqalyapti. O‘zbekistonda Yagona interaktiv davlat xizmatlari portali (my.gov.uz) orqali ayrim hujjatlarni rasmiylashtirish mumkin. Bu jarayon uy sotib oluvchi va sotuvchilar uchun vaqt va resurslarni tejaydi.

Raqamli texnologiyalar hujjatlarni tezkor rasmiylashtirish imkonini ham beradi. “E-imzo” va blokcheyn asosidagi shartnomalar orqali ko‘chmas mulk oldi-sotdi jarayonini yanada tezlashtirish mumkin. Davlat xizmatlari agentligi tomonidan joriy etilgan onlayn xizmatlar orqali ba’zi hujjatlar masofadan hal etilyapti.

Uy-joy bozorida raqamli texnologiyalarning o‘rni kundan-kunga oshib boryapti. O‘zbekistonda ham bu jarayon tez rivojlanyapti, yaqin kelajakda esa bu yanada kengroq joriy etilishi kutilyapti. Virtual turlar, blokcheyn, sun’iy intellekt va onlayn xizmatlar ko‘chmas mulk savdosini yanada qulay va xavfsiz qilishga yordam beradi. Agar siz ham ko‘chmas mulk bozorida faol ishtirok etmoqchi bo‘lsangiz, zamonaviy texnologiyalarning imkoniyatlaridan to‘liq foydalanishingizni tavsiya qilamiz.