Toshkentda ijara narxlari 2025: Eng arzon va qimmat uylar tahlili
Toshkentda ijara narxlari qancha?
4 xonali xonadon ijarasi 1462 AQSH dollariga chiqqani rostmi?
Toshkent shahrida uy-joy ijarasi bozoridagi so‘nggi o‘zgarishlar shuni ko‘rsatyaptiki, o‘rtacha ta’mirlangan xonadonlar narxlari pasayishda davom etmoqda. Biroq, to‘liq ta’mirlangan 3 va 4 xonali xonadonlar uchun ijara narxlari sezilarli darajada oshgan.
O‘zbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar instituti (MHTI) tomonidan olib borilgan tahlillarga ko‘ra, 2025-yil fevral oyi uchun Toshkent shahrida ijara narxlari sezilarli darajada o‘zgarishlarga uchragan.
O‘rtacha ta’mirlangan uy-joylar ijara narxlari
O‘rtacha ta’mirdagi uylar uchun ijara narxlari 2024-yilning noyabr oyidan beri arzonlab kelayotgan bo‘lsa, to‘liq ta’mirlangan 3 va 4 xonali uylar uchun narxlarda ko‘tarilish kuzatildi.
Xususan, fevralda o‘rtacha ta’mirlangan xonadonlar uchun ijara narxlari o‘tgan yilning oktabr oyidan buyon ancha arzonlashdi. Ushbu segmentdagi 1 xonali ($323) uylar uchun narx 2,4% ga, 2 xonali ($393) — 5,2%, 3 xonali ($480) — 2,9% hamda 4 xonali ($545) uylar 12,5% ga pasaydi.
Fevral oyidagi tahlillar quyidagi ko‘rsatkichlarni aks ettiradi:
1 xonali – $323 (2024-yil oktabr oyiga nisbatan -2.4%)
2 xonali – $393 (2024-yil oktabr oyiga nisbatan -5.2%)
3 xonali – $480 (2024-yil oktabr oyiga nisbatan -2.9%)
4 xonali – $545 (2024-yil oktabr oyiga nisbatan -12.5%)
Eng arzon va qimmat hududlar
Nisbatan arzon ijara narxlari kuzatilgan hududlar:
Sergeli tumani: 1 xonali – $297, 2 xonali – $366, 3 xonali – $415, 4 xonali – $423;
Olmazor tumani: 1 xonali – $288, 2 xonali – $351, 3 xonali – $417, 4 xonali – $488.
Nisbatan qimmat hududlar:
Shayxontohur tumani: 1 xonali – $347, 2 xonali – $462, 3 xonali – $568, 4 xonali – $694;
Yakkasaroy tumani: 1 xonali – $383, 2 xonali – $511, 3 xonali – $646, 4 xonali – $675.
To‘liq ta’mirlangan uy-joylar ijara narxlari
To‘liq ta’mirlangan uy-joylar uchun ijara narxlari barqaror bo‘lsa-da, 3 va 4 xonali xonadonlar narxida oshish kuzatilgan:
1 xonali – $420 (2024-yil oktabr oyiga nisbatan -0.6%)
2 xonali – $592 (2024-yil oktabr oyiga nisbatan -1.1%)
3 xonali – $857 (2024-yil oktabr oyiga nisbatan +2.8%)
4 xonali – $1160 (2024-yil oktabr oyiga nisbatan +3.8%)
Eng arzon va qimmat hududlar
Nisbatan arzon ijara narxlari kuzatilgan hududlar:
Sergeli tumani: 1 xonali – $323, 2 xonali – $417, 3 xonali – $517, 4 xonali – $639;
Uchtepa tumani: 1 xonali – $377, 2 xonali – $436, 3 xonali – $560, 4 xonali – $586.
Nisbatan qimmat hududlar:
Mirobod tumani: 1 xonali – $485, 2 xonali – $746, 3 xonali – $1051, 4 xonali – $1344;
Shayxontohur tumani: 1 xonali – $515, 2 xonali – $748, 3 xonali – $1094, 4 xonali – $1462.
Ijara narxlari olx.uz platformasidan veb-skreping (web scraping) orqali olingan ma’lumotlarga asoslanib tahlil qilingan. 2025-yil yanvar oyida 35,7 ming, fevral oyida 37,5 ming va 2024-yil oktyabr oyida 43,1ming e’lonlar o‘rganilgan. Tahlillar aniqroq bo‘lishi uchun narxlar chegarasining yuqori va pastki 5 foizlik kvantillari chiqarib tashlanganidan so‘ng amalga oshirilgan.
